الرئيسيةاليوميةس .و .جبحـثالأعضاءالمجموعاتالتسجيلدخول

شاطر
 

 حبيت بس أرخم قصدى أصبح عليكم

اذهب الى الأسفل 
كاتب الموضوعرسالة
Nero A Échoué
Admin
Nero A Échoué

المساهمات : 390
تاريخ التسجيل : 14/02/2010

حبيت بس أرخم قصدى أصبح عليكم Empty
مُساهمةموضوع: حبيت بس أرخم قصدى أصبح عليكم   حبيت بس أرخم قصدى أصبح عليكم Icon_minitimeالثلاثاء فبراير 16, 2010 2:34 pm

بسم الله الرحمن الرحيم


شوية رخامة

بجد جرعة مركزة جاااااااااااااااامدة اوووووى


يارب تكون كافية لانى ارخم قصدى أصبح بيها عليكم

ههههههههههههههه


ليه ابوتريكة بيلبس فانلة 22 ؟
عشان 21 ضيقة عليه



طب ليه مبيلبسش 23 ؟
عشان فلافيو بيلبس 23



طب ايه هو الحيوان التعيس؟
القطة

ليه؟
عشان دايما تخربش ومتكسبش


طب ايه الحيوان اللي بياكل ويشرب بديله؟
كل الحيوانات بتاكل وتشرب بدلها .. عمرك شفت حيوان ساب ديلو وراح ياكل؟


طب ايه اقدم حيوان؟
الحمار الوحشي .. عشان ابيض واسود


طب ايه هو اجدد حيوان؟
القنفد .. ليه ؟
عشان بشوكه..والكنغر علشان بكيسه



طب ليه التلاجة غبية؟
عشان بتحفظ الاكل .. مبتفهموش


ماهي قمة الحيرة؟
يقال لك اجلس في ركن غرفة مستديرة



ماهو قمة الذكاء؟
ان تجد ركن للغرفة


ليه الهرم فيه حتة حديدة من فوق؟
عشان يتشال منها وينضفوا تحتيه


ايه الشبه بين الجرنان والشمس ؟؟
الاتنين بيطلعوا الصبح



ايه الشبه بين التفاح والكمثرى ؟؟
الاتنين مش جوافة



ايه الفرق بين الصحراء وايام الاسبوع وموس لورد ؟؟
الصحراء مفيهاش حد ايام الاسبوع فيها حد موس لورد فيه حدين



واحد وقع من الدور التاسع
لقى ايه؟؟

لقى مصرعه



دكتور اسنان ارتكب جريمة يسجنوه فين ؟؟
في سجنال تو



ايه هي قمة الادب ؟؟
انك تخبط على التلاجة قبل متفتحها

ايه هي قمة الصبر ؟؟
انك تستنى حد يفتحلك


ايه هي قمة الدهشة ؟؟
حد يفتحلك فعلا



إيه وجه الشبه بين الحلاق وجورباتشوف ؟
الإتنين بيتعاملوا مع الروس


إيه العلاقة بين الكمبيوتر والحفرة ؟
الكمبيوترحاسب آلى أما الحفرة حاسب لتقع



ليه الأرجنتين مش بيزرعوا تين ؟
لأنها من الدول اللا تينية



إية الفرق بين الزيتون والليمون ؟؟
التانى بيتعمل لاموناته والأول ما بيتعملش زاتوناتة



حاجه طايراه فى السما وبتقول نياو ايه هى؟؟؟

قطه بيضاء مضروبه بالجزمة


طب حاجه سوده طايره فى السما وبتقول نياو ايه هى؟؟؟

غراب بيستهبل


طب حاجه بنى طايراه فى السما وما بتقولش حاجه ايه هى؟؟؟

فرده الجزمه بتاعه الراجل الى ضرب القطه البيضاء



حاجه زرقاء طايره فى السما ايه هى؟؟؟

ذبابه لابسه بنطلون جينز



نقطه سوده على الحيطه ايه هى؟؟؟
ذبابة



طب نقطتين سود على الحيطه تبقى ايه؟؟؟

فيشه



طب 3 نقط سود على الحيطه تبقى ايه؟؟؟
ذبابه وفيشه



طب 73 نقطه سوده على الحيطه تبقى ايه؟؟؟
يبقى البياض بتاع البيت بيقشر


ازاي نحط فيل في زجاجة
نزقه فيها فجأة وهو بيشرب



ازاي نحط فيلين زجاجة من غير ما يلمسو بعض ؟؟
نحط بينهم فيل تالت


طب ازاي تركب 4 فيلة على بسكلته؟
فيل يسوق ويمسك الازازة



ازاى نركب اربع فيلة فى عربية فولكس

اتنين ورا واتنين ادام



طب إزاي نركب 8 فيلة فى مرسيدس

نبيعها ونشترى عربيتين فولكس ويبقى اتنين ورا واتنين ادام


كيف نعرف ان 8 افيال موجودين داخل فندق شيراتون بدون ان تدخل الفندق؟
اذاوجدت 2 فولكس في مواقف الفندق


دكتور اتجوز محامية خلفوا ولد يسموه ايه؟

أحمد على اسم جده



ايه عكس كونكريت

لاتكن كريت



ايه عكس زمان

زا وومن
(The Woman)


ماهو الشئ اللي ننام عليه ونجلس فوقه ونغسل اسناننا فيه؟
السرير والكرسي وفرشاة الاسنان



ماالذي له راسان و8 اقدام؟

كلبان



طيب ايه اكتر حيوان بيسيح في الحر ؟

تمساح ساح ساح ساح ساح



سمعت نكتة الأسانسير ؟
- لأ
- يبقى اكيد كنت طالع على السلم

ليه محمدين بيلبس شرابات خضرا ؟

عشان خضرا لابسة شراباته


محمدين واقف فى الشمس و معاه دودة ليه؟

عشان الدكتور قالله اقف فى الشمس دقائق معدودة



لية محمدين بيحط خيارة تحت المخدة؟
عشان لو حط طمطماية هتتفعص



يارب اكون قدرت أصبح عليكم كويس

ههههههههههه


فى حفظ الله ورعايته
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://sadat.roo7.biz
 
حبيت بس أرخم قصدى أصبح عليكم
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
كلية حقوق السادات :: المنتديات العامة :: القسم الترفيهى-
انتقل الى: