الرئيسيةاليوميةس .و .جبحـثالأعضاءالمجموعاتالتسجيلدخول

شاطر
 

 إرحميييييييينى بقى ياستى

اذهب الى الأسفل 
كاتب الموضوعرسالة
Nero A Échoué
Admin
Nero A Échoué

المساهمات : 390
تاريخ التسجيل : 14/02/2010

إرحميييييييينى بقى ياستى Empty
مُساهمةموضوع: إرحميييييييينى بقى ياستى   إرحميييييييينى بقى ياستى Icon_minitimeالثلاثاء فبراير 16, 2010 4:04 pm

بسم الله الرحمن الرحيم


حوار لذيذ
بين
الجدة وابن ابنها
عايز يستلف منها فلوس
ياترى ربنا هيوفقه فى المهمة الصعبة دى
ولا ايه اللى حيحصل ؟

تعالوا احسن نشوف سوا





هو : إزيك يا ستى .
هى : بنتى .. إيه بنتى دى يا قليل الأدب .
هو : يا ستى بقولك إززززززززززيك يا ستتتتتتتتتتتتى .
هى : أنت بتزعق ليه يا واد أنت أنا بافتكر بتقول بنتى .
هو : بتفتكرى إيه !! هو أنتى يا ستي حتى بتفتكرى إسمك .
هى : جسمك .. ماله جسمى يا قليل الأدب .
هو : يا ستى إرحمينا شويه بقي وشيلى الزلط اللى فى ودانك .
هى : قدامك !؟ هو إيه اللى قدامى يا واد أنت .
هو : يووووووووووووه يادى النيله .
هى : البليله .. أه البليله حلوه والله.. دا حتى أنا نفسي في طبق بليله باللبن كده يا واد وعليها شوية مكسرات وكده يعنى .
هو : يا حول الله يا رب هو حد جاب سيرة البليله يا ناس .
هى : القلقاس !؟ أه بأحب القلقاس أهو كله نعمة ربنا .
هو : يا ستى ابوس ايديكي أرحميني أنا لا جيبت سيرة قلقاس ولا أناناس .
هى : لأ لأ لأ عيب يا بنى ..عيب لما تجيب فى سيرة الناس .
هو : يا ستى هو أنا جيبت في سيرة حد .
هى : أه يوم الحد كان إمبارح بس والنبى يا بنى ما أنا فاكره النهارده إيه!!؟ يكونش النهاردة الجمعه يا واد .
هو : لا يا ستى النهارده الخميس .
هى : البوليس!! وعايز منك أيه البوليس إنت عملت إيه يا منيل على عينك؟
هو : يييييه بقولك إيه يا ستى نفضى ودانك وطرطقيهم كده وإسمعينى .
هى : رضعينى !! أرضعك إيه ياواد أما إنك قليل الأدب صحيح .
هو : يا ستى أنا إتفطمت من زمان الحمد لله بس عايز منك قرشين كده سلف .
هى : علف !! إنت بتربى بهايم يا واد ؟؟
هو : يا ستى بقولك سلف !! سلفينى خمسين جنيه عايز أشحن التليفون .
يا ستى حرام عليكى الرحمة حلوة برضه أبوس ايد اللى خلفوكى عايز خمسين جنيه سلف علشان أشحن .
هى : أشتم !! وكمان عايز تشتم يا قليل الأدب .
هو : بقى كده يا ستى طب ماشى خدي عندك بقا !! بقولك إيه يا ستى .
هى : وظيفتى .. وظيفة إيه يا بنى أنا طالعه علي المعاش من زمان .
هو : رمان إنتى عايزه يا ستى تاكلى رمان .
هى : أه نفسي في السمان .. هو فيه سمان دلوقتى يا بنى من بعد أنفلونزا الطيور .
هو : أه العبور !! أه ده كان سنة تلاته وسبعين .
هى : سامعين ؟؟ سامعين إيه خير الله إما إجعله خير هو فيه حاجه .
هو : بتقولي ايه يا ستى ..عايزة قهوة سادة .
هى : عياده ..عايز تودينى العيادة ليه يا بنى هو أنا عيانه .
هو : صقعانه .. صقعانه ليه بس يا ستى دا حتى الجو النهاردة حر .
هى : كفالله الشر !! شر إيه يا بنى اللى بتقول عليه ده .
هو : بقولك إحنا على البرررررررر .
هى : أه يابنى منا عارفه الخروف ليه فرو .. وبيبقي كمان تخين .
هو : أه إبنك حسين !!..ماله إبنك حسين .
هى : العجل سمين !! أه هانجيب إن شاء الله في العيد عجل ندبحه ولازم يكون سمين .
هو : إيه يا ستي بتقولي ايه .. أسفين .. طب أسفين ليه !!
هى : عايز خمسين جنيه !! طب مش تقول كده من الأول هو أنت مكسوف منى يا واد ههههههههه .
هو : ياااااااااااااااااااااااه أخيرآ يا ستى الحمد لله .. هاتى بقى .
هى : أجيب إيه ؟
هو : هاتى الخمسين جنيه !!
هى : تحسين بيه .. تحسين بيه مين يا واد .
هو : لالالالالا كدة كتيييييير عليا اوووووى
مشششش عايز منك حاجة ياستى
انا اللى جبت ده كله لنفسى
انا اللى جبت ده كله لنفسى
انا اللى جبت ده كله لنفسى
وفى الاخر الغلبان بقى يشد فى شعره وهو ماشى
ببقى بالمنظر ده تماااااااام

إرحميييييييينى بقى ياستى Ouoou_10
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://sadat.roo7.biz
 
إرحميييييييينى بقى ياستى
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
كلية حقوق السادات :: المنتديات العامة :: القسم الترفيهى-
انتقل الى: